Die Kasmandl gehen im Lungau um !
Am Vorbend zu Martini gehen die Kinder mit ihren Sprüchen von Haus zu Haus .
I bin die Sennerin Gretl von Achnerkopf,
oane von die wenigen, die noch hat an Zopf.
In der Fruah drah i die Haar aufe und des is gnua,
den ganzen Tag hoit so mei Gretl-Frisur.
I bin mitn Halterbua und -diarndl auf der Alm alloan,
mei liaba, da hat ma gnuag zan toan,
und da oane braucht allweil was zum Essen,
der anderen muasst alls dreimal sagen, sunst tuat sie vergessen.
Dann san noch zan versorgen die Küah und der Stier,
also i sag enks: A Ruah host do nia!
Halterbua Peter
Also die Sennerin tuat schon wieder übertreiben,
aber ban Essen dearf nix überbleiben.
Sunst werd jo am nächsten Tag des Wetter ned schea,
drum lass i am Teller halt nia was steah.
I bin a junger Bua und no im Wochsen,
und hungrig wearst a ban Treiben von Küah und Ochsen.
Ja, wann die Sennerin sagt „Kimm essen, Peter!“,
dann verschiab i alles andere auf später!